آح ـساس طفلهـ

آح ـساس طفلهـ
 
الرئيسيةالرئيسية  مكتبة الصورمكتبة الصور  س .و .جس .و .ج  بحـثبحـث  التسجيلالتسجيل  الأعضاءالأعضاء  المجموعاتالمجموعات  دخولدخول  

شاطر | 
 

 نحشة ناروتو واصدقاءه للحكير!لاتفوتكم! بالحساوي!

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
احساس طفله
Admin
avatar

عدد المساهمات : 616
تاريخ التسجيل : 06/12/2007

مُساهمةموضوع: نحشة ناروتو واصدقاءه للحكير!لاتفوتكم! بالحساوي!   الإثنين مارس 10, 2008 9:11 am

نحشة ناروتو واصدقاءه للحكير!لاتفوتكم! بالحساوي!


في يوم من الايام كان ناروتو مع كاكاشي بالسيارة وعاد مرو يم الحكير وقال ناروتو حق كاكاشي
ناروتو:شرايك نروح الحكير بكرا؟
كاكاشي: مااقدر عنديا اختبار
ناروتو:يوووه المدرسه ذي شكرها
كاكاشي: خلاص ولايهمك بكرا بعد الاختبار نروووح شرااايك؟
ناروتو:من عيوني وخل نقول حق سويسكي لايذبحنا
كاكاشي:هذا جواليا اخذه ودق عليه
ناروتو:انزين ووصلنيا معاك بيتنا لاتنسى!
ساسكي:الو
ناروتو:هلا والله بساسكي
ساسكي:خلصنا مشغول قاعد اكل اندومي
ناروتو:ها ابي
كاكاشي:بسرعه لايخلص رصيديا ماعنديا الا 3ريال!!
ناروتو:انزين انزين لاتاكلنا ساسكي بكرا بعد الاختبار بنروح الحكيييير بتجي ولالا؟
ساسكي:امممم بشوف اذا قدرت
ناروتو: طيب مع السلامه
ساسكي:نشوفك بكرا مع السلامه
ناروتو:هاك جوااالك<= يكلم كاكاشي
كاكاشي: احم عفوا
ويوم صار بكرا==>
ام ناروتو: ناروتو يلا يايمه قوم عشان تروووح المدرسه
ناروتو:انزين انتي روحي جهزي الفطور وانا بقوووم
ام ناروتو:يالله
وقام ناروتو وراح الصاله
ناروتو:قوه
ابو ناروتو:الله يقووويك ها بتقول بتغيب اليوم بعد؟
ناروتو:اهبه اغيب اليوم ^ـ^" اصلا انا ماكنت بقول جذا!
ابو ناروتو:عجل؟
ناروتو:يبا ابي اروووح الحكير بعد المدرسه
ابو ناروتو:لا
ناروتو:مشكوووووور يايبه مشكووور.. هــا ليش لا؟
ابوناروتو:ابيك توصل اختك وانت منطم
ناروتو:انشاءالله وفي نفسه<= خلف الله على هالاخت الي ذابحينا عليها!
ابوناروتو:شتنتضر روووح صل ووصل اختك بيت رفيجتها!
ناروتو:انزين عاد قولها تتجهز
ابوناروتو:انا اقوها يللي ماتستحي على وجهك؟
ونحـــــــــــااش ناروتووو المدرسة
وفي بيت ساسكي
ساسكي:قوه يمه
ام ساسكي:الله يقويك ياهلا بوليديا
ساسكي:يمه اليوم بعد المدرسة برووح مع ناروتو وكاكاشي الحكير
ام ساسكي:رووح الله وياك ياوليديا انتبه لحالك!
ساسكي:تسلميين يايمه انا من ليا غيرج بالهدنيا
**
ساسكي:الو هلا كاكاشي تقدر تمرنيا انا في بيتنا
كاكاشي:هلا ساسكي يلا اطلع لان انا عند باب بيتكم
ساسكي:من متى؟
كاكاشي:تونيا يلا افتح الباب وتعال بسرعه ترانا متأخرين!
وطلع ساسكي وركب السيارة ويوم هم قاعدين يمشون طااااااااااااااااااااخ
كاكاشي:شالسالفه؟
ساسكي:يمكن السيارة خربانه؟
كاكاشي:شذا ذا اللي هناك منسدح؟
ساسكي:يوووه كاكاشي شكلنا صدمنا بقره! قم ننحاااش!
كاكاشي:شذا بقره انت ووجهك احنا مب قاعدين في الاجبال
ساسكي:قم ننزل ونشوف شصاير
ناروتو:الله يغربلك انت عمي ماتشوف عدل؟يوو كاكاشي؟
كاكاشي:نــــــــــاروتـــــو؟
ساسكي:نـــــــــاروتــــــو؟شقاعد تسوي هنا؟ في نفسه ==> افااااا طلعت البقره اللي اقصدها؟
ناروتو:امسح الارض
ساسكي:عجل بساعدك هع هع<== محافظ على نضافة البيئه هع هع
ناروتو:انطم ياثقيل الدم وقوم ساعدنيا
كاكاشي:شفيك قاعد تركض بسرعه جذا جنه احد طاقك؟
وقالهم السالفه من طق طق الى السلام عليكم
كاكاشي:اهااا الحين كل ذا بس عشان ابوك مارضالك ترووح الحكيير؟
ناروتو:ايه
ساسكي:انا عنديا اقترااح بس اعتقد انه مب زين
ناروتو:قول تكلم عطنا اللي عندك
ساسكي:انــــحـــــــاش!
ناروتو:ايه والله فكره
كاكاشي: لا مب عدله جذا تنحااش بعدين يحاتوونك!
ناروتو:خلي يحاتون اصلا اهم عمرهم ماحوتونيا
ساسكي: وانا بعد اقول احسن لاتنحاش
ناروتو:سبحان الله غباء الى درجة الغباء الحين انت اللي معطينيا الفكرة وتقول لا ؟
ساسكي:انا قلت اقترااح يالمفهي انت وشعرك الكشه
ناروتو: اقول والله انا احسن من شعرك اللي مخترع منك وطاير وراا
كاكاشي: سكتو فضحتونا الله يفضحكم بس ترى احنا تأخرنا عن المدرسة الحين بيشلخوونا بسبتكم!
ناروتو وساسكي مع بعض:يووووووووووووووه

***

ويوم راحو المدرسة وخذووو ذيك الزفه!!!! راحو الاختباااار

ناروتو:ساسكي شذا جواب السؤال الخامس؟
ساسكي:انطم لاتفضحنا!!
كاكاشي:شذا انتو بس شغلكم تغشوون؟
ناروتو:انا غايب امس يالمخرف ولا ذاكرت كنت قاعد اكلم خـ.....
وقاطعه الاستاااذ
الاستاذ:نــاروتـــــو وقف!
ناروتو:مب انا ذا ساسكي!
ساسكي:يالحيواان
الاستاذ:جب وروحو انتو الاثنين عند ابله عبله
ساسكي وناروتو:لالالالا الله يخليك الا ابله عبله!
الاستاذ يأشر على الباب<== قصده طلعو لااشوتكم

ساسكي:الحين ابويا بيذبحنيا وكل ذا بسبتك !
ناروتو:اقول انت عمرك مانجحت بالاختبار والحين تبي تنجح؟ لايكون خاطب؟
ساسكي:شذا خاطب انت ووجهك الحين ابله علبه ذي بتعلقنا بالمروووحه بسبتك
ناروتو:انا؟
ساسكي: لا الولد اللي بدعاية اندوومي ايه انت قلنا غش بس جدام الاستاااذ
ناروتو:انطم وصلنا
عبله:وش فيكم هنيا؟
ناروتو: عاد بدت بتفلسف
عبله: وش تخربط انت ووجهك؟
ناروتو: ابله عبله كلمينا بلغتنا لو سمحتي شلون بتهاوشينا واحنا مانفهم شئ؟
ساسكي: ايه والله عشان جذا احسن شئ نرووح شكلج مشغووله مانبي نزعجج
عبله:ان تحركتو من اماكنكم ياويلكم
ناروتو:سبحان الله الله خلق وفرق
عبله:وش تخربط انت ؟
ساسكي: ماشئ بس عطينا ذاا اللي ماادري شذا اسمه وبنطلع
عبله: خذ <== بخجل هع هع طبعا الكل في المدرسة معجب بساسكي بس كانت عبله اللهم لاشماتا حتى المصارع يشوف وجها ينحاش امريكا هع هع

وطلعو من غرفة عبلووه
ويوم رن جرس البيييت

ناروتو: اف لو تشوف وجها والله يخرع حتى يوم تسوي نفسها حلوه جنه واحد صافقها بنعلته ههههه
كاكاشي:هههه انزين بسك سب فيها تعال صج وين سويسكي؟
ناروتو: ههههههههههههههههههههههاااااااااااااي
كاكاشي: شفيك تضحك؟
ناروتو: لايفووتك طالع ساسكي شلون ينحاش من البنااات واهههههههههههههههههههه
كاكاشي:ههههههه
ساسكي: الله يغربلكم انتو اصدقاء؟
وبعد المهزله اللي صارت

في بيت ناروتو

ناروتو: قوه جنه البيت صاير هدوء؟
ام ناروتو: الله يقويك لان اختك طلعت مع صديقاتها
ناروتو: ايه عشان جذا المهم انا برووح اذاكر

كل واااحد راح بيته عشان يتجهز للحكير الا ناروتو دخل من باب غرفته وطلع من الدريشه
وتلاقووو في الحكيير وكل واحد معااه 100 ريااال
ناروتو: شوف شوف ذي البنت شكلها حلوووه
ساسكي: لالالا شوف ذي الحق ياااولد
ناروتو: ساسكي شراايك ناخذ ذي حق كاكاشي؟
كاكاشي: اقول من الحين انتو تتغزلون صبرو بعد شوي
ساسكي: ايه والله اول شئ خن نلعب وبعدين يصير خيررر
ناروتو:انزيييين
وبعد مالعبو
كاكاشي:شوفو ذلين شلت بنااات
والبناات قعدو يطالعونهم طبعا كل واحد متغير شكله عشان متزين ورايح الصالوون ومتكشخ
ناروتو:يؤؤؤؤؤ ذي قامت تطالعنيا شكلها انعجبت ابيا
ساسكي: والله شكلها تقول استغفر الله من شكلك هههه
ناروتو: لاتقعد تطنز انت ووجهك
كاكاشي: مب وقته تتهاوشون شوفو ذي الحللوووه
ساسكي: خلاص ذي حقك وذي حقيا وذي حق ناروتو
كلهم موافقين
ناروتو: هيه يبنيه طاح منج رياال
البنت: جذاب ذا ريال جذبي لونه بنفسجي
ناروتو: لا ذا صجي
البنت: من ذا اللي راز صورته ابها؟
ناروتو: اناااا
البنت: شسمك؟
ناروتو:اسميا ناروتو
البنت: تشرفنا ياناروتو
ناروتو: فتحي وجهج
البنت: شذا؟
ناروتو: شكلج حلوه
وفصخت البنت حجابها الا وهي
ناروتو: انتــــــــــي؟
ساكورا: ايه انا من عصباله يالمغازلجي والله لااعلم اميا عليك تغازل ها؟
ناروتو: لالالالالا الله يخليج لا بسويلج اللي تبينه بس لاتعلمين اميا<== بيصيح ههههههههه
ساكورا: اللي ابيه؟
ناروتو: ايه بس سؤال؟
ساكورا: شذا؟؟
ناروتو: من ذا ذيك اللي هناك وافقه تطالع؟
ساكورا: ذي اخت ساسكي
وكلمت ساكورا ناروتو بأذنه
ناروتو: انا ناروتو ولد ابوي اسوي جذا؟
ساكورا: عند اميا
ناروتو: لالالا خلاص اتفقنا
بعد شوي
ساسكي: وين راحت؟ ذي
ويوم التفت وراه
ساسكي: ياهلا بالحلوين ياهلا
البنت: شتبي؟
ساسكي: افاا من اولها؟
البنت: ايه مو عاجبك نتف حواجبك
ساسكي: كم رقم جوالج؟<<<= سيده طلع جواااله
البنت: شذاااااااااااا وخر لااخلي عيونك الحلو مسطره
ساسكي: الحلوه؟
البنت: أي الحلوه عندك مانع؟
ساسكي: بس ابي اسمج بس
البنت: اسميـ...
وقاطعها ساسكي:
ساسكي: فتحي وجهج
البنت: انزين
ساسكي: يوووووووووووووووووووووومه ناروتو؟ شتسوي هنا وين ذيك الحلوه وشفيك لابس عبايه؟
ناروتو: لاتصرخ اختيا واختك هناك يراقبون كل شئ واذا شافوك تغازلنيا بيعلمون اميا وامك وام كاكاشي
ساسكي: اختك واختيا؟
ناروتو: ايه
ساسكي: شجيبهم ذلين الحين؟؟
ناروتو: شدرانيا اتصرف بسرعه
وقام ساسكي عطى ناروتو كف
ساسكي: مو عيب عليج تغازلين ؟
ناروتو: اااح يعور انت ووجهك
ساسكي: تبين رقمي بعد ذلفي
وراح ساسكي عن ناروتو
ناروتو في نفسه: والله لااوريييك يالحمااار
وراح ناروتو بنعاله يصفق ساسكي
ناروتو: تطلقنيا الحين وقام يصاارخ يارجااال زوجيا طقنيا كف
وجااو الرجال وطقو ساسكي طق
ناروتو: تطقني هاه؟
ساسكي: منت هين الحين بيعرفون كل شئ الحين اختك واختيا يالمفهي
ناروتو:والله عاد شذا تبينيا اسوي اشوف رجليا يطقنيا وانطم؟
ساسكي:انا مب رجلك !!!شذا شايفنيا؟
ناروتو:لابس بتعامل مع الاحداث بطريقة صح >-<
ولا جان ساسكي يدوس ببطنه دوسة عـــدله!
ساسكي:اقول ...وين كاكاشي؟
ناروتو:أي والله الله يحره شكله لقى بنت مب عبدة هع هع هع
ومرة ثانية يعطيه ساسكي بوكس عدل
ناروتو:شحقا تطقنيا انت ووجهك؟ ترا يوجع شذا عصبالك
ساسكي:من بقارتك الزايدة ..امش امش في نسوان من الجماعة يمكن معاهم ام حسين
ناروتو:هههههههههههههههه طالع شيكامارو مسوي سبايكي وسكسوكة

وعند كاكاشي
في لعبة السفينه

كاكاشي: شلونج؟
البنت:اخضر ووردي
كاكاشي:ههههه دمج ثقيل
البنت:ههه والله انك خفيف دم هع هع
ويوم تطير السفينه انرفعت عباية البنت وبين نعالها اللي جنهم زبيريات!!<== شو هالفشله!!<---هذي الموضه مالت البناات الجديده هع هع
كاكاشي: ههه شفيج لابسه زبيريات لايكون نعالاتكم يل بنات خلصووو هع هع
البنت: بلا مزح ابقر
كاكاشي: صوتج مب غريب علي؟
البنت: ايه يالمخرف انا اختك
كاكاشي: شــذااا؟
وطاااح بالارض السفينه من الفجعة
البنت:يوووه لحقو اخويا بيطييييييييييح!
وقامت تمسكه بااقوه ماعندهـا!

ويوم سمعو ساسكي وناروتو الصراخ قامو يركضووووووووووووون كاكاااااااشيييييييي

وينقز ساسكي فوق السفينه ويمسك كاكاشي ويروووح ناروتو معاه ويمسكه وكاكاشي متجمد مو عارف شيسوي
ساسكي: ناروتو قول حق راعي اللعبه يوقف!
ناروتو: وقف اللعبه! وقـــــــــــــف
ووقف اللعبه اخيرا وانقذو كاكاشي

البنت: كاكاشي عسى ماصارلك شئ؟
كاكاشي:لامافيا شئ
ناروتو: عجل شفيك وقفت متجمد مب عارف شتسوي؟
كاكاشي: جب لااصقعك كف اعدلك وجهك والصقه لك بالجداااار
ناروتو: في نفسه ياليتنيا ماتحجيت الحين بيعلقنيا بالمروووحه

ويوم راحو السياره عشان كل واحد يرجع بيته<== طبعا كلهم ركبو سياره كاكاشي

ساسكي: متأكد ان مافيك شئ شيات؟
كاكاشي: شفيك والله مافينيا شئ يوه
ناروتو: انزين نزل البنات كلهم بيت سويسكي وخلنا نرووح الكورنيييش
ساكورا: ناروتو قلت حق اميا؟
ناروتو: انطمي ولا تتكلمين جدام ربعيا
ساسكي:شفيك على البنيه انت؟
ناروتو: شدخلك اختيا ولا اختك والله حاله
كاكاشي: ان ماسكتو بلوحكم من الدريشه!
وعم الهدوء اخيرا ونزلو البنات بيت ساسكي وراااحو الكورنيش طبعا بعد ماكل واحد جاب هديه حق كاكاشي: ياالييت ا...اخته عشان تبلع لسانها ^^"

وفي الكورنيش


انتضرووو التكمله هع هع
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://mak-000.ahlamontada.com
احساس طفله
Admin
avatar

عدد المساهمات : 616
تاريخ التسجيل : 06/12/2007

مُساهمةموضوع: رد: نحشة ناروتو واصدقاءه للحكير!لاتفوتكم! بالحساوي!   الأحد مارس 23, 2008 12:50 pm

ساسكي: الله يغربلك ماتعرف تغازل عاد مالقيت الا هالشله؟
كاكاشي: وانا شدرانيا انهم خواتنا؟
ناروتو: خلاص خن ننسى اللي صار
ساسكي: احد منكم عنده خرده؟
كاكاشي: انا عنديا خمسين كامله
ناروتو: انا عنديا خرده شحقا؟؟
ساسكي: اهو جيب خشميا انفجر برووح اشتري ليا نشااف
ناروتو: اشوفه قاعد يطلطل من زمااان <==يتمصخ هع هع
ساسكي: اقوووووووووول انطم احسلك!<== بصرااااااااخ
كاكاشي: جبو فضحتونااا الله يفضحكم انشاءالله قولو اميييين<== الولد حاقد يقووه ههههههههههه
ناروتو: شفيك هدي اعصابك

وبعد اتمشو وخلصو وكل وااحد راح بيته في اليوم الثاني

ترررررررررررررررررررررررن
ترررررررررن

ناروتو: يوووووووووووووه تأخرت يمه ليش ماقعدتينيا؟ وين امي؟ خن اسرررررررع
وراح ناروتو يركض بأسرع ماعنده عشان يلحق بسيارة كاكاشي اللي تنتضره بره وفجأه

طرااااااااااااااااااااااااااااااخ
ساكورا: ماتشووف؟
ناروتو: وخري برروح مستعجل!!
وركض بأقووو ماااعنده!

ويوم وصل المدرسه اخيررراا

ناروتو: شسالفه؟ ليش مسكرين الباب؟
شيكامارو: ياابقر اليوم عطله
ناروتو<== شوي ويصييييح ههههههههههه
ويوم راح البيت وهو متحسف شلون عدت الصبح بالعطله؟؟؟؟؟؟؟؟

تررن
تررررن
ساكورا:ميييييييييييين؟
ناروتو: انا فتحي الباب
ساكورا: نارووووووووووتوووووووووووو
ناروتو: شذاا؟
ساكورا: اليوم بتجي اخت ساسكي بيتنا
ناروتو: مبروك شسوي شالمقصد؟
ساكورا: مابتقعد في البيت -_-"
ناروتو: شذااااا يعني وين تبينياا اقعد؟ في الشااارع؟؟<== وهو يصاااااااارخ
ساكورا: قصر حسك فضحتنا عند بيت الجيراان بروحهم ذاك اليوم متصلين يشتكون منك!
ناروتو: قلعتهم محد قال حق ولدهم ذاا يطقنياا بماال البيض ذا شسمه المهم
ساكورا: عطنياا الجهااز بتكسره الله يغربلك
ناروتو: مب بعطيييج
ساكورا:انزين نارووتو فدييتك رح البقااله البيت فااضي
ناروتو: ترى انتي ماادري وين قاعده؟ في شئ اسمه تلفوون يسوي ترن تررن روحي فيه ارقام ضغطيها لمن يطلع البقااله
ساكورا: افاا تخلي اختك تكلم راعي البقااله؟
ناروتو <== ماعطاها وجه
ساكورا: ااااااااااف ورااحت
الا وشوي جان ناروتو يشووف في التلفزيوون مسابقه اللي يفووز فيها له 10000رياال خخخخ
ناروتو: ول لمن الحين على هالمسابقااات
والا جان يرن تلفوون ناروتو

ناروتو: هلا ساسكي
ساسكي: هلا ناروتو شقاعد تسوي؟
ناروتو: اطالع تلفزيوون شحقا؟
ساسكي:برووح الحيين الحكيير بتجي؟
ناروتو: واهههههههههههه مره ثانيه؟
ساسكي: ايه بس هالمره من دوون خواتنا
ناروتو: اقوول شذا عصباالك سهل انك تنحااش كل يوم؟
ساسكي: اووف بتجي ولالا؟
ناروتو: بجييييييي
وفي الليل
ناروتو: اااف من هالدريشه اللي ماتنفتح الا بالمووت
والا جاان في احد ورااه يقوول
ابو ناروتو: وووين بتروووح؟
ناروتو: ييييييييييييييووووووووووومممممممممممممه
ويطييح طيحه ويتكسر ظهره
وعند كاكاشي وساسكي
كاكاشي: شفيه ذا طوول صارليا ساعه انتضره
ساسكي: دق عليه شوف شفيييه تأخر
كاكاشي: مسكر جواااله
ساسكي: ذا مع وجهه كم مره قلتله لا يسكر جواااله
كاكاشي: قم نرووح يمكن رااح قبلنا
ساسكي: يلا امش امرنا لله
ويوووووم راحو الحكير ومااتو وهم يدورون على ناروتو زهقوااا ورجعو وسفلوااا في ناروتو<=== مسكين الله يعييينه

في اليووم الثاني

رااح كاكاشي حق بيت ناروتو وساعه يطق البااب واخييرررااا احد عطااه وجه وفتح له البااب

ساكورا: منذا؟
كاكاشي: اانا كاكاشي وين ناروتو؟
ساكورا: واههههههه هذا وانت رفيييجه
كاكاشي: هه أنزيين وينه؟ <===متوهق -_-"
ساكورا: بالمستشفى
كاكاشي: شذا؟ شودااه هناك؟
ساكورا: طاح امس من فووق الدرشيه واتكسر ظهره <== في نفسها ==> يلا انقلع عن وجهيا ابي برووح اخمد
كاكاشي: انزيين واخذ اسم المستشفى ورقم الغرفه وراااح
حلالي ابييك وفكر فيييك واعيش الدنيا دقيقه وثانيه عشان ارضيييـ.........<== نغمة كاكاشي للجواااااال هع هع ^^

كاكاشي: الو
ساسكي: وينك؟
كاكاشي: انا عند باب المستشفى
ساسكي: لييش عسى ماشر
وقاله السالفه من طق طق الى السلالالام علييكم
ساسكي: اهااا بعذر يلا هذانيا جايلك<== وبعد ماسكر الجواال الله يغربلك ماورااك الا المشااكل

عند كاكاشي

كاكاشي: سنستر وين في غرفه سم سم هذا رقم<== وراها الورقه
الممرضه: هنااك واشرت له > وبعدين انا مب سنستر على قولتك انا ممرضه وانا مب هنديه -_-"
كاكاشي: ايه ايه شكرا<== شالفشله *__*
ورااح كاكاشي للغرفه

طق طق محد رد طق طق محد رد وشوي كاان يكسر الباااااااب طاااااااااااااااااق طااااااااااااااق
اللي داخل الغررفه: منذاااااااااااا
كاكاشي: شفييييك يالمفهي يووووومه منذا انتي؟ *ــــــــــ*""
البنت: يووووووه اطلع بررررررررره <== وتلبدت تحت الغطاااااااااا
وطلع كاكاشي بسرررررعه طبعا كان وجهه احمررررر لان البنت كانت جماااااااال
كاكاشي: انا مع وجهيا مب ذي الغرفه ذييك الغرفه >.<
وراح غرفة ناروتو اخيرا
طق طق<== هالمره بصوت خفييف
نارووتو: دخلي حيااااااااااج
كاكاشي: هلاااااااااا
ناروتو: شذااا شجيبك هنا مابغييت تجي جان قعدت في البيت مب احسن؟ <== بصراااااخ
كاكاشي: جب احمد ربك عطيتك وجهه وجيتك والله ترى بطلع الحيين >ـ<
ناروتو: لا لاتطلع بس كنت معصب شوي
كاكاشي: <=== يطالعه بنضره خبيثه هع هع
ناروتو: شفييك تطالعنيا جذا
كاكاشي: شفت البنت اللي قاعده يم غرفتك؟؟؟
ناروتو: اييييييه يوو شحلووها
كاكاشي: كنت بقوولك شفييها ليش مريضه -_-"
ناروتو: -_-" الله اعلم
كاكاشي: انزييين خلنا منهااا هاا انت شلوونك
ناروتو: تمام والحمدلله
كاكاشي: انزين يلا عن اذنك بطلع
طق طق
ناورتو: منذااا؟
ساسكي:انااااا
ناروتو: هلا سويسكي
ساسكي: هلاااااااااا بناروتو ها شخباارك انشاءالله احسن قالوليا شلوون طحت من الدريشه خخخ
ناروتو: ايه الله يلعن بلييس كلا بسبت ابوويا خرعنياا
كاكاشي: يلا عن اذنكم انا مااشي
ساسكي: وييين تونيا جااي الحيين
كاكاشي: الوالده تنتضرنيااا بعدين تسوييي معايا تحقيق وين رحت وليش رحت وووووو
ناورتو:هههه فهمناا الله معاااك
ساسكي: مع السلامه
كاكاشي: مع السلامه
ساسكي: يطاالع نارووتو ==> يطالعه بنضره خبيييييثه
ناروتو: شفييييييييييك
ساسكي: مب انا كاكاشي اللي شفيييييييه؟
ناروتو: تصدق احس انه قااام .............
ساسكي: شذاا؟
ناروتو: شكله؟؟؟ اللي في الغرفه اللي يمي!!
ساسكي: يووووووه يمـكن؟
ناروتو:يوه شنسوي الحيين كل شئ بيتغيير وننسى ذيييك الاياام الحللوه
ويتذكر ناروتو يووم يفقعووون راس الهندي بغرشة ماااي ويحرقوون سياارة المديير ويلحقوون الهنادوه بالعصاا ويطردونهم من سوق الخضره <== اجراااااااااااااام خخخخخ
ويوم يلحقونهم الكلاب ويووم ينحااشون من المدرسه ويرووحون الكورنييش ويمسكهم عم ناروتو
ناروتو:كانت ايااام حلللللللوه الحين كلها بتضييع
ساسكي:لازم نمنعه!!!!!!!!
ناروتو: اييييييييييه
ساسكي: عندك خطه؟؟؟
ناورتو:امممممممممممممممم
ساسكي وناروتو: الخطـــــــــه (ج) ذيييل الحيه
طبعا لبس ناروتو ملابس الدختووره<== تحولت ام خمااس هع هع
وفي غرفة البنت
طق طق
البنت: منذاا؟
ناروتو: ااانا الممرضه<== بصووت نااااااعم
البنت: حياااج
ناروتو: هااج مسكي
البنت: شذاا ذا؟
ناروتو: هااج فتحييه ذي هديه منياا
البنت: صج مشكوو... وفجاه وااااااااااااااااااااااااااااااااااااااااااااااااااااااااااااااااااااااااااااااا شذااا ذاااا حيييييييييييييييييييييه يمااااااااااااااا
ناروتو: يييوه الله يغربل ولديااا حط ذي في الكييس
البنت تصاااااااااااارخ
ناروتو: يييوه طلعي من المستشفى ورووحي بلده ثانيه احنا هنا مانعرف نسوووي شئ بس اللهم عجااايز
البنت: وووين تبينيا اروووح؟
ناروتو: شدراانيا عنج؟<== بصرااخ
البنت: ااااااااااااااااا بررررررررررررررره
وطلع ناروتو بررره
ساسكي: ها شصااار ؟
ناروتو: ماادري يمكن بتطلع قاامت تصررخ وتقوول بره
ساسكي: يووه يالغبي فضحتنااا
ناروتو: ليييش؟
ساسكي:انا اول مره اشووف حرمه لابسه زبيريااات وحواجبهاا هالمتن وايدها حشيييش
ناروتو: جب شتبينياا اسوي البس كعب واحف؟؟؟؟؟ والله هذا اللي بااقي
ساسكي: اقووول انطم وخن نمشي
ناروتو: ااف ساسكي شفيييهم النااس يطالعونيا ويضحكوون؟
التفت ساسكي ورا ناروتو و............
ساسكي: واههههههههههههههههههههههههههههههههههههه
ناروتو: شفيك؟
ساسكي: فتحت التهوءه
ناروتو: يووووووووووه وقاام يسررعه حق غرفته<== شالفشله!!<== ترى حطيتها لان صاارت مع احد صج خخخخ
طبعا ناروتو صاار وجهه احمر من الفشيله وساسكي النذل يمشي ويضحك علييه
ناروتو: جب
ساسكي: واككككككككككككككككككككككك واههههههههههههههههههههه ههههههههههههههههههههههههههههه ه ههههه<== وجهه صار احمر من الضحك
ساسكي: ههههه ههه مو قادر اتنفس بطنيييييييي هههههههههههههههههههههههههههه<== ماسك بطنه من الضحك
ورااح ساسكي بيته وهو يضحك على اللي صار
ام ساسكي: هلا شففيك تأخرت؟؟؟
ساسكي: رحت حق ناروتو المستشفى
ام ساسكي: اييه مسكيين قالتليا امه شصااير له مسكيين الله معااه
ساسكي: اححم
ام ساسكي: لاتخااف مب بنساااك
ابتسم ساسكي ورااح غرفته
ــ
مذكرااتي العزيزه اليوومبنحااش وبرووح بيت خالتيا عشاان اخذ اختياا واكفخها وااخلييها ماترووح الحكيير مره ثانيه
وبااخذ السيااره وبتدلع فييها جداام البنااات اللي في الموووول وبروح انزل السيااره وبروح بيت كاكاشي وبشووفه شقااعد يسوي وبنطلع وبنمر على ناروتو وبنقعد يم دريشة غرفته ونقوول (بنرووح لعبة تكسير الظهر بتجي خخخخخخخخخخخخ)
وسكر مذكرااته
وبعد ماراح صفق اخته وخلص مشاويره ......

_________________
عذبـتـني ضيعتـني خليـتني اسـهـر ماانـام

يكفي كفـآ ويـن الوفـا ليـش الجفـا والله حرام

الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://mak-000.ahlamontada.com
احساس طفله
Admin
avatar

عدد المساهمات : 616
تاريخ التسجيل : 06/12/2007

مُساهمةموضوع: رد: نحشة ناروتو واصدقاءه للحكير!لاتفوتكم! بالحساوي!   الأحد مارس 23, 2008 12:50 pm




وعند كاكاشي


طاااااخ طااااااااااخ
كاكاشي يقووم منفزع
كاكاشي: شذااا منذاا؟
اينو: سويسكي يبيك بررره
كاكاشي: اااف منج
اينو: والله ماادري ليش الله بلانيا بااخو مثلك
كاكاشي: انطمي لااعطييج كف اعدلج وجهج والصقه لج بالجداار الحين
اينو: جرب
كاكاشي قاام يلحق اينو في كل مكاان في البيت
طق طق
ساسكي: شذاا صارليا سااعه
طااااااااخ وفتح الباااب والفجعه شااف كاكاشي واخته يتهاوشوون
انصدم ساسكي ووقفو كلهم عن الحركه
كاكاشي: ذلللللللللللللفي لبسي حجاابج وتغطي
ورااحت ايينو دااخل الصااله تتلبد
ساسكي لين الحين في صدمه
كاكاشي: اااا هلا شلوونك قم نرووح أي مكاان
ساسكي: ااا لا بس بغييت اقوولك فاضي ولالا؟
كاكاشي: والله ماعنديا شئ اسويه يعني فااضي شحقه؟
ساسكي: اااااااااااااااا بس كككنت بققووول...
كاكاشي: فشييك تتأ تأ
ساسكي: لالا مافيا شئ مع السلامه انا راايح
كاكاشي: وييين؟
ساسكي: تذكرت انه عندياا شئ الحين برجع لك ولا اقوولك شراايك تدخلنيا بيتكم لاني احس يعنييي شوي......
كاكاشي: ههه حياااك تعاال
ودخلوو البيت
كاكاشي:ها وين بترووح اليووم ؟
ساسكي: كيفك والله انا ماادري شسوي بس ليش مانروووح الحكيير؟
كاكاشي: ههه بعد ذيك الليله ؟ وقام يطاالع اخته
ساسكي: ههههه لا هالمره غيررر صدقنيا!
كاكاشي: ساسكي انت فيك شئ اليووم شمسوي؟ لايكوون؟
ساسكي: شذاا؟
كاكاشي: ساسكي مشوور؟
ساسكي: تقريبا اييه
كاكاشي: منذا؟
ساسكي: اختياا هع هع قم نطلع قبل لايصير بااجر ومانتهنى في المدرسه!
كاكاشي: اييه والله قم نروح عند ناروتو
وعند ناروتو
ناروتو: افااا نسيتونياااا جذا
طق طق
ناروتو: شذاا ذا؟
الدريشه تتحرك
ساسكي: سبراايس
ناروتو يطييح من السريرررر: يووووومه

كاكاشي: نصيحه لاتتفنن بالانجليزي مره ثانيه-_-"
ساسكي:-_-"
ورااحو كلهم الحكيير ورااحو لعبة اختبر خووفك او شئ من ذا القبييل خخخ
المهم
يووم دخلوو طبعا كل شئ مظلم واصواات صراااخ وصيااح جهاال وهياكل عظميه
لمس ناروتو شئ ونااروتو يصرررخ ويوم طااالع حوله ماشااف احد حتى كاكاشي وساسكي اختفووو
واخييرا طلع نووووور
كاكاشي: ويينك اختفييت دااخل
ناروتو: شذرااني انا قاعد ادوركم
ساسكي: انزيين انا خلصت فلوسيااااااااا
كاكاشي: وانا بعد
وقاامو يطالعوون ناروتو
ناروتو: قسما بالله والله العظييييييم ورب القرآن الشرييف ماعنديا ولا قرش
كاكاشي: انزين قول ماعنديا فلووس مسوي لنا محااضره
ساسكي: يووووووووووووه
ناروتو: شذا شفييك؟
ساسكي: عليا تسمييع وماحفظت شسووي والحين الساعه 12ونص!!
كاكاشي: خوفتنااا الله يغربلك عصباالي شئ جااايد
ناروتو: يلا مع السلامه ترروح ولاترجع هع هع
ساسكي: اقووول انطم احسن لك
كاكاشي: اقول لاتفشلوونااا جداام الناااس
ويووم رااح كل وااحد بييته
ناروتو: لالالالالالا لاتقتلني انا ماسوييت شئ غلط
الرجال:يالحيواان تغاازل بنتياا وتقوليا ماسوييت شئ؟؟؟
وقعد ناروتو من النووم وهو منفجع
ناروتو: اخر مره اغاازل اخر مرررررره <== جهك جهك<== ضحكه جديده على قولت رفيجتي ضحكت اختي الجدييده هع هع

_________________
عذبـتـني ضيعتـني خليـتني اسـهـر ماانـام

يكفي كفـآ ويـن الوفـا ليـش الجفـا والله حرام

الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://mak-000.ahlamontada.com
احساس طفله
Admin
avatar

عدد المساهمات : 616
تاريخ التسجيل : 06/12/2007

مُساهمةموضوع: رد: نحشة ناروتو واصدقاءه للحكير!لاتفوتكم! بالحساوي!   السبت نوفمبر 08, 2008 7:11 am

التكمللللللللللله


ويوم صاار الصبح
والكل رااح المدرسه

كاكاشي: ناروتو ساسكي اناا خلاص قررت
ساسكي: شذا قررت؟
كاكاشي: شراايكم نساافر ونرووح ايطاليا؟
ناروتو: لا اذا بنسافر خن نرووح لندن هع
ساسكي: عاد احنا الحيين في لندن تو <=== يقصد الحساا ^^"
كاكاشي: امممممم انزين شراايكم نرووح الكوييت ثلاث اياام ^^ <== شدخل هذا في هذا -_-"
ناروتو: رحت بعييييييييد يلا خلاص انا موافق ^^
ساسكي: امرنا لله مواافق^^
كاكاشي: ترى مع خواتنا!
ناروتو وساسكي: شذااااااااااااااااااا
كاكاشي: ايييه لان اختيا عرفت وعزمت خواتكم ^^
ساسكي: لا مانبييهم
كاكاشي: ساسكي من بعد ذااك اليوم وهم يشكوون في كل شئ خناخذهم بس هالمره
ساسكي: ييلا شذاا نسوي بعد
تررررررررررررررررررررن<== جرس المدرسه
رااح ناروتو يجهز اشياه ويحطهم دااخل الشنطه ويصاارخ ويقوول وخرو عنيا مب فاضيلكم برووح البيت
كاكاشي: وين بترووح الحين فسحة صلاة ^^"
ناروتو: توهق وقاام يصرفهااا> شذااا يعني مااخذ شنطتيها معايا ؟ والله شنطتي ولا شنطتك انا وشنطتيا كيفنااا
ورااح يطلع دفتره وهو شكله معصب كتب
>شو هالفشله طلعت برووح البيت اثرها فسحة صلاه *ــ* <==هع هع حقيقيه ^^"
ـــ

كل واحد راح بيته عشان يجهز ملابسه واشيائه
في بيت ناروتو
يماااااااااااااااااااااااااااااااااااااااااااااااااااااا وييين بلوزتيااا الصفره ؟
ام ناروتو: في النشاافه توها خلصت
ساكورا: يمااا شوفي ناروتو خذ شنتيااا مالت السفرررر
ام ناروتو: ناروتو يمه لاتتهاوش مع اختك
ناروتو: يمه ماعنديا شنطه
ام ناروتو: ماعليه خلكم في شنطه وحده
ناروتو: يطالع ساكورا ويبتسم باتسامة خبث هع
ساكورا: يماااااااااااا من جدج؟ لا
..................
ويووم تجمعوو الكل يم السياره
ساسكي: ههههههههههههههههههههههههههههههههههههههههههه
كاكاشي: شفييك؟
ناروتو: أأأف ليش انيا جايب كيسه حاط فيها اشياي والله عاد ماادري وين شنطتيااا
كاكاشي:هههه
ويووم ركبو السياره وهم الحين في الطرييق الى الكوييت

وقفوو يم محطه عشاان فاتتهم صلاة المغرب والعشاااء

راحوو البناات مسجد خااص لهم وطبعا الكل جاي متكشخ والكعب والعطر ويطاالعوون النااس اللي في المسجد بنضراات يعني تعني مالت في شئ؟ خخخخ ....الخ<== حشى حتى بالصلاة -_-"

ساكورا قاعده تصلي واينو تطالعها وتضحك عليها وتشهق
استغربت ساكورا ورفعت حاجب ونزلت حااجب يعني شفييج؟
اينو: مافيج شئ ^^"
ويوم خلصت من الصلاة طالعت كتفها الايسر و..
ااااااااااااااااااااااااااااااااااااااااااااااااااااااااااااااااااااااااااااااااااااااا شيلوها عنياا
اينو: لاتاخذيين حجابيياا
واخذت حجاابها بس تبي توخر هالجرااده اللي طوول النعاال من كتفهاا وقامت تتسدح بالجدااار وتصررخ والنااس كلهم يطالعونها <== صاارت صج -_-"
ويوم راحت طبعا اينو وهيناتااميتيين من الضحك وهم يقوولون لييتنا جبناا معانا الكااميرا عشاان نصوورها خهعهعهعهع<<< هيناتا اخت ساسكي حااولت اذكر اسم وحده غير بس ماافااد ^^"
وطلعوو من المسجد
ساكورا: والله ذي اخر مره ارووح فيها مسجد على طرييق السفر -_-"
وقاالو حق اخوانهم السالفه والكل يضحك عليها وهي بتمووت من الحيااء
واخييرا وصلو الكويت واجروو لهم شقتيين كباار ^^
هيناتا: وخرررررررررررري بدا مسلسل سنواات الضياااااااع!
اينو: انتي اللي وخررررررررررري بحط نمر بن عدواااااااااان!
<=== يتهاوشوووووووون ع جهاز التلفزيووووون > < خخخ
وعند الاولاد
كاكاشي: انااا برووح اخمد
ساسكي: شذا؟؟؟؟؟؟؟؟؟؟ مابنقعد هنا الا ثلاثة اياام واول يوم لنا مابنطلع؟
ناروتو: اقوول انطم تعبانين تونا جاايين من السفر اطلع انت بروحك اذا تبي خخخ
ساسكي: اووووووووووووووكييييييييييييييييييييي > <
كاكاشي: كم مره قلتلك لاتتفنن بالانجليزي -_-"
ساسكي وناروتو: -_-"
................

وباليل

قعد كاكاشي يفكر باللي شافها بالمستشفى
كاكاشي في نفسه: أأأأأأأأأأأه لايكون هذا اللي يسمونه الحب
انا خلاص قررت اول ماارجع الحسا بروح اخطبها من ابوها

وخمد وهو يحلم فيهااا...................
...............

وفي اليوم الثاني

ساكورا: اينو ماشفتي فوطتيا الجديده؟
اينو: لا والله
ساكورا: يووووه والله توها جديده ضاعت
اينو: عادي لاتقعدين تتغمضين عليها اليوم بنروح السوق واشتري غيرها
ساكورا: ابي اسبح الحييييييين بالله احد يشوفنيااا وينعجب ابياااا وتصير قصه حب ياي
اينو: اقوول جب جب واثقه من نفسج حيل
ساكورا: يعني عدال انتي هاللي ميتين عليج
اينو: ايه والله اصلا انا عنديا معجبيييين شكثرهم بس انتو ماتشوفونهم
ساكورا: اللهم سكنهم مسااكنهمممممممممممممممممممممممممممممم
من الحمار اللي بيااخذج انتي
اينو: اصلا انا خلاص بقعد عاانس ماابي اتزوج الزواااااااج عقده نفسيه وانتي قلتيها من الحمار اللي بيااخذنيا
ساكورا:يؤيؤيؤيؤ بعد عيوونيا انتي ليش ماتبين تتزوجيييييييييييييييييين في احد مايبي يتزوججججججج
............................الخ
عاد بعدين راحو كلهم صالة تزلج
وطبعا حاله هناك وكل مايمر واحد البنات يوووء يجنن وتعرفوون
انشاءالله يخطبنيا يووؤ نضر ...........الخ
ترا حتى الشباب لي علمكم هع هعععععع

يووء ذي اعرف اخووها تهببببببببببل وين القلم وييييييينه
طبعا كلا في جهه بروحه عشان مايمسكه الثااني خخخخ
ساسكي: ناروتو روح جيب لنا شئ نشربه عطشانيييييييييييييييييييييييييين وفتح عيونه شكبرهم
ناروتو: الله يخلف على اميمتك وابوووووووووك صج مصلحجي
طاااااخ
ناروتو: يؤيؤيؤ والله مااردي اسف تشششششششششششششششششششششششششششششششششششششششششش
البنت: لالا عادي
وراحت وناروتو خوينا لمن الحين منصدم قعد يلاحق البنت من بعيد

_________________
عذبـتـني ضيعتـني خليـتني اسـهـر ماانـام

يكفي كفـآ ويـن الوفـا ليـش الجفـا والله حرام

الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://mak-000.ahlamontada.com
 
نحشة ناروتو واصدقاءه للحكير!لاتفوتكم! بالحساوي!
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
آح ـساس طفلهـ :: الفئة الأولى :: !$ القصـ ـص الخيـ ـاليـ ـه $!-
انتقل الى: